AQSh mudofaa vazirligi — Pentagon noma’lum uchar jismlarni (NUJ) o‘rganadigan, bu kabi holatlarni tergov qiladigan alohida bo‘linma tashkil qiladi. Bu haqda Live Science xabar bergan.
Bunday bo‘limni tuzish 2021-yil dekabr oyida qabul qilingan davlat mudofaasi haqidagi qonunda belgilab qo‘yilgan. Xabarga ko‘ra yangi bo‘limni tuzish AQSh harbiy uchuvchilari tomonidan noma’lum uchar obyektlarning juda tez harakatlanayotgani, samoda murakkab manyovrlarni amalga oshirayotgani tasvirga tushirilgan videoroliklarning ommalashib ketganligi bilan bog‘liq.
Pentagon bergan ma’lumotlar bo‘yicha bu kabi holatlarni tergov qilish Uchar obyektlarni boshqarish va aniqlashni sinxronlashtirish guruhi (AOIMSG) tomonidan bajariladi.
“AOIMSG havo bo‘shlig‘idagi maxsus tartibdagi obyektlarni topish, aniqlash va xususiyatlarini bilish, shuningdek parvozlar hamda milliy xavfsizlikka qay darajada ta’sir ko‘rsatishini tahlil qilish bo‘yicha davlat departamenti va AQSh hukumatining topshiriqlarini bajaradi. Mudofaa vazirligi aniqlangan yoki noma’lum kuchlar tomonidan havodan hujum, havo obyektlariga tahdidlarga jiddiy yondashadi va ularning har birini tergov qiladi”, – deya tushuntirish berilgan Pentagon bayonotida.
Qayd etilishicha mazkur xabar ufologlar (NUJlarni o‘rganuvchilar) e’tiroziga sabab bo‘lgan, chunki ushbu guruhning muayyan qismi harbiylarga ishonmaydi.
“Davlat har doim bu mavzuni sir saqlagan va barcha axborotni nazorati ostiga olgan", – deydi Mutual UFO Network notijorat tarmog‘i vakili заявил Ron Jeyms.
Biroq AQSh rasmiylari asosan Yerga xavf solishi mumkin bo‘lgan tahdidlardan xavotirda. AQSh hukumati xorij davlatlari uchish texnologiyalarini mamlakat harbiylaridan yashirin ravishda ishlab chiqishi va qo‘llashi mumkinligini inkor etmayapti.
“Milliy xavfsizlik borasidagi xatti-harakatlarimiz avvalo havoda boshqalardan ustun bo‘lishimizga bog‘liq, bu kabi holatlar yetakchi sifatidagi o‘rnimizga putur yetkazadi. Uchar obyektlarning xorij hukumatlari yoki boshqa birovga tegishli ekanligi yuzasidan aniq ma’lumotlar olishimiz kerak”, — degan Nyu-Shtatidan bo‘lgan senator Kirsten Gullibrand.
Eslatib o‘tamiz, o‘tgan yili Pentagon NUJ bo‘yicha hisobotini e’lon qilgan. O‘shanda AQSh mudofaa vazirligining nazorat organi idoraning noma’lum uchar jismlar haqidagi xabarlarni qanday o‘rgangani, bu boradagi axborotlar bilan ishlash holatini tekshirishi ta’kidlangan edi.
Agentlik AQSh harbiy-dengiz floti kemasidan turib tasvirga olingan uchburchak shaklidagi NUJ videosining haqiqat ekanligini tasdiqlagan. Bir kechada harbiy kema tepasidan oltitagacha NUJ uchib o‘tgan. Uchish xarakteristikasiga ko‘ra mazkur jismlar fuqarolik dronlari bo‘lmagan.
Izoh (0)