Dubay amirlikda faoliyat yurituvchi barcha xorijiy banklarga 20 foizli soliq joriy qildi. Tegishli qonun Dubay rahbari shayx Muhammad bin Roshid al-Maktum tomonidan qabul qilindi, deya xabar beradi uning matbuot xizmati.
Yangi tartib, shuningdek, maxsus rivojlanish zonalari va erkin zonalarda ro‘yxatdan o‘tgan banklarga ham taalluqlidir. Istisno faqat Dubay moliya markazi orqali ro'yxatdan o'tgan kredit tashkilotlariga taqdim etiladi.
Qonun xorijiy banklarning soliqqa tortiladigan daromadlaridan yillik 20% miqdorida soliq undiradi. Agar bank hamma to‘lovlarni o'z vaqtida to'lasa, bu summadan yuridik shaxslar va tadbirkorlik solig'ining foizi chegirib tashlanadi.
2022-yilda Dubay rasmiylari 40 000 dan ortiq virtual ish o‘rinlarini yaratadigan va besh yil ichida shahar yalpi ichki mahsulotiga taxminan 4 milliard dollar qo‘shadigan metaolam yaratish rejasini e’lon qildi. Nikoliers konsalting kompaniyasi maʼlumotlariga ko‘ra, 2022-yil boshidan buyon Birlashgan Arab Amirliklarida xorijiy brendlari soni qariyb 4,5 baravarga oshgan.
Izoh (0)