Дубай амирликда фаолият юритувчи барча хорижий банкларга 20 фоизли солиқ жорий қилди. Тегишли қонун Дубай раҳбари шайх Муҳаммад бин Рошид ал-Мактум томонидан қабул қилинди, дея хабар беради унинг матбуот хизмати.
Янги тартиб, шунингдек, махсус ривожланиш зоналари ва эркин зоналарда рўйхатдан ўтган банкларга ҳам тааллуқлидир. Истисно фақат Дубай молия маркази орқали рўйхатдан ўтган кредит ташкилотларига тақдим этилади.
Қонун хорижий банкларнинг солиққа тортиладиган даромадларидан йиллик 20% миқдорида солиқ ундиради. Агар банк ҳамма тўловларни ўз вақтида тўласа, бу суммадан юридик шахслар ва тадбиркорлик солиғининг фоизи чегириб ташланади.
2022 йилда Дубай расмийлари 40 000 дан ортиқ виртуал иш ўринларини яратадиган ва беш йил ичида шаҳар ялпи ички маҳсулотига тахминан 4 миллиард доллар қўшадиган метаолам яратиш режасини эълон қилди. Nicoliers консалтинг компанияси маълумотларига кўра, 2022 йил бошидан буён Бирлашган Араб Амирликларида хорижий брендлари сони қарийб 4,5 бараварга ошган.
Изоҳ (0)