Kobulda 8-mart munosabati bilan tashkil etilgan norozilik namoyishida bir guruh ayollar zulm va huquqlar poymol qilinishiga qarshi chiqdi. Ular bunday vaziyatda jim turmaslikka chaqirdi.
“Afg‘oniston ayollari adolat va erkinlik uchun” harakati a’zolari 8-mart bayramini yopiq joyda nishonladi.
Ushbu harakat deklaratsiyasida afg‘on ayollari 8-martni ijtimoiy hayotdagi har qanday rolidan mahrum bo‘lgan va butun jamiyatdan chetlashtirilgan holda o‘tkazishlari ta’kidlangan.
Bu harakatga ko‘ra, Afg‘onistondagi bugungi ayollar zulm va huquqlar poymol etilayotganda jim turmaslik uchun ana shunday siyosiy va fuqarolik ongiga erishgan va bu ayollarning so‘nggi o‘n yilliklardagi eng katta yutug‘idir.
“Afg‘oniston ayollari adolat va erkinlik uchun” harakati “Tolibon” hukumati o‘rnatilgandan so‘ng ayollar shafqatsizlik va jinoyatchilikka qarshi qatʼiy turuvchi birinchi kuch bo‘lganini va shu paytgacha bu kurashlar hatto o‘z hayotini yo‘qotish evaziga davom etayotganini aytdi.
Ushbu harakat e’lonida “Afg‘oniston ayollari qadr-qimmat talablarini aniq ko‘tarish va himoya qilish uchun bu ongli va bilimga erishganligi va bilimdon ayol ekstremizm va fundamentalizmning asosiy dushmani ekanligi ta’kidlanadi”.
Bu ayollar Afg‘onistondagi barcha siyosiy, ijtimoiy, iqtisodiy, madaniy va san’at sohalarida teng huquq va ishtirok etishni istashlarini qo‘shimcha qilishdi.
“Adolat va erkinlik uchun Afg‘oniston ayollari harakati” BMT va xalqaro hamjamiyatdan Afg‘onistonda davom etayotgan gender aparteidini tan olishni so‘radi.
Bu harakat aʼzolari Birlashgan Millatlar Tashkiloti va xalqaro hamjamiyat “Tolibon” vahshiyligini kuchaytirayotgan Afg‘onistonga pul jo‘natishni to‘xtatishi kerakligini taʼkidlab, buning o‘rniga “Tolibon”ni inson huquqlarini poymol qiluvchi terrorchi guruh sifatida qora ro‘yxatga kiritib, xalqaro jinoiy sudlarga tanishtirshini so‘ragan.
“Tolibon” ikki yarim yildan ortiq vaqtdan beri afg‘on ayollari va qizlariga nisbatan qattiq cheklovlar qo‘ygan. Hozirda bu mamlakatda ayollar va qizlar erkin ishlash, o‘qish va sayohat qilish huquqiga ega emas. Ayollar huquqlari faollari “Tolibon”ning afg‘on ayollari va qizlariga nisbatan siyosatini gender aparteid deb hisoblaydi va gender aparteidini tan olishni talab qiladi”, deyiladi murojaatda.
Izoh (0)