Birlashgan Arab Amirliklari prezidenti Shayx Muhammad bin Zoid al-Nahayon joriy yil 11-martda boshlanadigan musulmonlar uchun muqaddas ramazon oyi arafasida 700 dan ortiq mahbusni afv etdi.
Bu haqda Birlashgan Arab Amirliklarining WAM agentligi ma’lum qildi.
Prezident mamlakatdagi jazoni ijro etish muassasalaridan 735 nafar mahkumni ozod qilishni buyurdi. Agentlik, shuningdek, davlat rahbari afv etilganlarning davlat oldidagi moliyaviy majburiyatlarini to‘lashga va’da berganini ta’kidlaydi.
Musulmonlar qamariy taqvimiga ko‘ra, 2024-yilda ramazon oyi 10 mart kuni quyosh botishi bilan boshlanadi va 9-aprelgacha davom etadi.
Avvalroq dubaylik tadbirkor, Pure Gold Jeweller asoschisi Firoz Merchant ramazon oyi oldidan qarzdor mahbuslarni ozod qilish uchun 1,5 million dirham (408 ming dollardan ziyod) xayriya qilgani xabar berilgandi.
Izoh (0)