Кобулда 8 март муносабати билан ташкил этилган норозилик намойишида бир гуруҳ аёллар зулм ва ҳуқуқлар поймол қилинишига қарши чиқди. Улар бундай вазиятда жим турмасликка чақирди.
“Афғонистон аёллари адолат ва эркинлик учун” ҳаракати аъзолари 8 март байрамини ёпиқ жойда нишонлади.
Ушбу ҳаракат декларациясида афғон аёллари 8 мартни ижтимоий ҳаётдаги ҳар қандай ролидан маҳрум бўлган ва бутун жамиятдан четлаштирилган ҳолда ўтказишлари таъкидланган.
Бу ҳаракатга кўра, Афғонистондаги бугунги аёллар зулм ва ҳуқуқлар поймол этилаётганда жим турмаслик учун ана шундай сиёсий ва фуқаролик онгига эришган ва бу аёлларнинг сўнгги ўн йилликлардаги энг катта ютуғидир.
“Афғонистон аёллари адолат ва эркинлик учун” ҳаракати “Толибон” ҳукумати ўрнатилгандан сўнг аёллар шафқатсизлик ва жиноятчиликка қарши қатъий турувчи биринчи куч бўлганини ва шу пайтгача бу курашлар ҳатто ўз ҳаётини йўқотиш эвазига давом этаётганини айтди.
Ушбу ҳаракат эълонида “Афғонистон аёллари қадр-қиммат талабларини аниқ кўтариш ва ҳимоя қилиш учун бу онгли ва билимга эришганлиги ва билимдон аёл экстремизм ва фундаментализмнинг асосий душмани эканлиги таъкидланади”.
Бу аёллар Афғонистондаги барча сиёсий, ижтимоий, иқтисодий, маданий ва санъат соҳаларида тенг ҳуқуқ ва иштирок этишни исташларини қўшимча қилишди.
“Адолат ва эркинлик учун Афғонистон аёллари ҳаракати” БМТ ва халқаро ҳамжамиятдан Афғонистонда давом этаётган гендер апартеидини тан олишни сўради.
Бу ҳаракат аъзолари Бирлашган Миллатлар Ташкилоти ва халқаро ҳамжамият “Толибон” ваҳшийлигини кучайтираётган Афғонистонга пул жўнатишни тўхтатиши кераклигини таъкидлаб, бунинг ўрнига “Толибон”ни инсон ҳуқуқларини поймол қилувчи террорчи гуруҳ сифатида қора рўйхатга киритиб, халқаро жиноий судларга таништиршини сўраган.
“Толибон” икки ярим йилдан ортиқ вақтдан бери афғон аёллари ва қизларига нисбатан қаттиқ чекловлар қўйган. Ҳозирда бу мамлакатда аёллар ва қизлар эркин ишлаш, ўқиш ва саёҳат қилиш ҳуқуқига эга эмас. Аёллар ҳуқуқлари фаоллари “Толибон”нинг афғон аёллари ва қизларига нисбатан сиёсатини гендер апартеид деб ҳисоблайди ва гендер апартеидини тан олишни талаб қилади”, дейилади мурожаатда.
Изоҳ (0)