Toshkent shahar IIBB Yo‘l harakati xavfsizligi boshqarmasi Yashnobod tumanida sodir bo‘lgan yo‘l-transport hodisasi bo‘yicha maʼlumot berdi.
Qayd etilishicha, 28-fevral kuni soat 10:20 larda Yashnobod tumani Ohangrabo ko‘chasida 32 yoshli B.Z. Nexia-3 rusumli avtomashinasini boshqarib ketayotib ikki piyodani urib yuborgan.
YTH oqibatida piyodalar — 1968-yilda tug‘ilgan K.R. va 1972-yilda tug‘ilgan Sh.R. tan jarohati olgan. Holat yuzasidan Toshkent shahar IIBB Yo‘l harakati xavfsizligi boshqarmasi masʼul xodimlari tomonidan surishtiruv harakatlari olib borilmoqda.
Avvalroq Toshkent shahar Chilonzor tumanida Malibu-2 bilan to‘qnashgan Spark haydovchisi vafot etgani, Surxondaryoda Nexia haydovchisi piyodani urib ketib, “avtozak” bilan to‘qnashgani to‘g‘risida xabar berilgandi. Fevral boshlarida Surxondaryoda Kia va Damas to‘qnashib, yo‘l chetida harakatlanayotgan ota-bolani bosib ketgan edi.
Izoh (0)