Toshkentda 2023-yilda sodir bo‘lgan YTHlar oqibatida 95 kishi halok bo‘lgan. Bu haqda Toshkent shahar prokurori Erkin Yuldashev yo‘l harakati xavfsizligi masalalari yuzasidan yo‘llagan murojaatida aytib o‘tgan.
Uning taʼkidlashicha, Toshkentda o‘tgan yili sodir bo‘lgan mingga yaqin YTH uchun jinoyat ishlari qo‘zg‘atilgan. 2023-yilda poytaxt ko‘chalarida sodir bo‘lgan YTHlarda 95 kishi halok bo‘lgan. Vafot etganlarning 10 nafari – bolalar. YTHlar oqibatida 1248 kishi tan jarohati olgan, 10 kishi umrbod nogironga aylangan. Jarohat olganlarning 235 nafari bolalar hisoblanadi.
Maʼlum qilinishicha, 4384 nafar fuqaro tomonidan transport vositasi spirtli ichimliklar ichgan holda boshqarilgan. Shundan 26 ta holatda YTH sodir bo‘lgan. YTHga asosan belgilangan tezlikka, svetofor yoki yo‘l qoidasiga amal qilmaslik, oraliq masofani saqlamaslik, piyodalarga yo‘l bermaslik, quvib o‘tish qoidasini buzish kabi omillar sabab bo‘lmoqda.
2023-yil davomida sodir bo‘lib, jinoyat ishi qo‘zg‘atilgan 1343 ta YTHning 348 tasini 18 yoshdan 25 yoshgacha bo‘lgan haydovchilar sodir etgan. Ushbu davrda 1417 nafar fuqaro avtomashinani haydovchilik guvohnomasiz boshqargani aniqlangan.
Izoh (0)