Davlat xavfsizlik xizmati Angren va Olmaliq shaharlarida firibgarlik bilan pul olgan shaxslarni qo‘lga oldi.
DXXning Toshkent viloyati bo‘yicha boshqarmasi xodimlari tomonidan Iqtisodiy jinoyatlarga qarshi kurashish departamenti bilan hamkorlikda tezkor tadbirlar o‘tkazilgan.
Angren shahrida yashovchi, 1974-yilda tug‘ilgan K.S. huquq-tartibot idoralaridagi mansabdor tanishlari orqali fuqaroni Toshkent viloyati IIBBga ishga kiritib qo‘yish evaziga 5 ming dollar olgan vaqtida ashyoviy dalillar bilan ushlangan.
Boshqa holatda esa Olmaliq shahrida joylashgan xususiy avtomaktab direktorining o‘rinbosari Ch.X. mahalliy fuqaroga o‘quv kurslariga qatnashmasdan, haydovchilik guvohnomasini olib berish evaziga 3 ming dollar olgan vaqtida ushlangan.
Ushbu fuqaro muqaddam Jinoyat kodeksining 166-moddasi (talonchilik) va 277-moddasi (bezorilik) bilan sudlangan bo‘lsa-da, o‘z xatosidan to‘g‘ri xulosa chiqarmagan.
Hozirda har ikkala qonunbuzarga nisbatan Jinoyat kodeksining 168-moddasi 2-qismi “a” bandi va 28, 211-moddasi 1-qismi bilan jinoyat ishlari qo‘zg‘atilgan.
Izoh (0)