Арманистон ва Озарбайжон президентларининг Мюнхендаги учрашувидан икки ҳафта ўтиб Германияда икки давлат ўртасида музокаралар бошланди. Бу ҳақда Deutsche Welle хабар берди.
28 февраль, чоршанба куни Бербок Тоғли Қорабоғ бўйича ўнлаб йиллар давом этган можарони ҳал қилиш бўйича саъй-ҳаракатлар доирасида икки давлат ташқи ишлар вазирлари Арарат Мирзоян ва Жейҳун Байрамовни қабул қилган.
“Энди минтақада мустаҳкам тинчлик ўрнатиш имконияти бор. Ҳар икки томон аллақачон ўтмишни орқада қолдириш учун дадил қадамлар ташлаган. Сизларни ушбу мақсадга эришишда кўрсатаётган жасоратингиз учун олқишлайман” — деди Бербок арман ва озарбайжонлик ҳамкасбларига.
Бербок Берлин музокараларда тараққиёт учун мос платформа таклиф қилмоқчилигини таъкидлаган. У Германия Арманистон ва Озарбайжон ўртасидаги ҳал этилмаган масалалар тинч йўл билан ва куч ишлатмасдан ҳал этишни таъминлаш учун ҳаракат қилаётганини таъкидлаган.
Берлиндаги тинчлик музокаралари бўйича келишув Шольц, Пашинян ва Алиевнинг февраль ойи ўрталарида Мюнхен хавфсизлик конференциясида бўлиб ўтган учрашувида эришилган эди. Унинг натижаларига кўра, Шольц Ереван ва Боку ўзаро келишмовчиликларни зўравонлик ишлатмасдан ҳал қилишга тайёр эканини айтган.
Изоҳ (0)