X ijtimoiy tarmog‘i barcha foydalanuvchilarga audio va videoqo‘ng‘iroqlar funksiyalaridan foydalanish imkoniyatini taqdim etdi. Bu haqda tarmoqning XNews akkauntida xabar berildi.
“Audio va videoqo‘ng‘iroqlar endi X da hamma uchun mavjud! Siz birinchi bo‘lib kimga qo‘ng‘iroq qilasiz?” — deyiladi matnda.
Tadbirkor Ilon Mask 2023-yil 9-may kuni o‘zining ijtimoiy tarmoqdagi sahifasida tez orada ushbu platformaning har bir foydalanuvchisi ovozli va videochatdan o‘z telefon raqamlarini oshkor qilmagan holda foydalana olishini yozgan. Ushbu funksiya birinchi marta o‘tgan yilning oktyabr oyida paydo bo‘lgan, ammo u faqat premium akkaunt foydalanuvchilari uchun mavjud edi.
Izoh (0)