Ispaniyaning Valensiya shahridagi ko‘p qavatli turar joy binosida kuchli yong‘in sodir bo‘ldi. To‘rt kishi halok bo‘ldi, 20 kishi bedarak yo‘qolgan. Bu haqda BBC xabar berdi.
-8qk1urLi.jpg)
Kampanar mavzesidagi 14 qavatli binoda yong‘in chiqib, qo‘shni binoga o‘tgan. Mahalliy OAV xabarlariga ko‘ra, o‘t o‘chiruvchilar balkonlardan odamlarni qutqarmoqda, boshqalar esa ichkarida qolib ketgan bo‘lishi mumkin.
Kamida 14 kishi, jumladan, olti nafar o‘t o‘chiruvchi va bir bola jarohatlangan. 20 dan ortiq o‘t o‘chirish brigadasi yong‘inga qarshi kurashmoqda va odamlarni hududdan uzoqroq turishga chaqirmoqda.
“Binoda 138 ta xonadon bo‘lib, ularda 450 kishi istiqomat qiladi”, deb xabar berdi El Pais gazetasi bino boshqaruvchisiga tayanib.
Yong‘in sabablari hozircha noma’lum, ammo mamlakatda bino qurilishida qanday materiallar ishlatilgani haqida savollar paydo bolmoqda. Guvohlarning so‘zlariga ko‘ra, ko‘p qavatli bino 10 daqiqa ichida alanga ichida qolgan.
Izoh (0)