Yakshanba kuni Fransiyaning janubida joylashgan akkumulyatorlarni qayta ishlash zavodidagi 900 tonnaga yaqin quyma batareyalar yong‘in ichida qoldi, buning natijasida hudud bo‘ylab osmonga quyuq qora tutun ko‘tarildi, deydi mahalliy hukumat. Bu haqda Reuters xabar berdi.
Yong‘in shanba kuni Tuluza shimolidagi Viveda SNAM chiqindilarni qayta ishlash bo‘yicha fransuz guruhiga tegishli omborda sodir bo‘lgan, deb xabar qiladi mahalliy kengash aʼzosi Paskal Maze. Fransiya OАV Vivedagi obyektni quyuq tutun qoplaganini ko‘rsatdi, Le Monde nashri esa 70 ga yaqin o‘t o‘chiruvchilar yong‘inga qarshi kurashganini maʼlum qilgan.
Vive tarkibidagi Аveron prefekturasi mahalliy amaldori Charlz Justining BFM telekanaliga bergan bayonotida yaqin-atrofda yashovchi aholiga hech qanday xavf yo‘qligini aytgan. Prefekturaning kecha bergan bayonotiga ko‘ra, yong‘in nazoratga olingan bo‘lsa-da, u sekin yonmoqda va yana bir necha soat davom etishi mumkin.
SNAM izohlarga darhol javob bermadi. Sayt yirik yong‘in sodir bo‘lganda, u yerda bo‘lgan mahsulotlar bug‘ orqali kadmiy chiqarishi mumkinligidan ogohlantiradi. Kadmiy juda zaharli va atrof-muhit uchun xavfli, biroq eslatmada zavoddagi muhitni hamda zaharli bug‘larning harakati hisobga olinadigan bo‘lsa, ular aholi sog‘lig‘i uchun bevosita xavf tug‘dirmasligi aytilmoqda.
Izoh (0)