Испаниянинг Валенсия шаҳридаги кўп қаватли турар жой биносида кучли ёнғин содир бўлди. Тўрт киши ҳалок бўлди, 20 киши бедарак йўқолган. Бу ҳақда BBC хабар берди.
-8qk1urLi.jpg)
Кампанар мавзесидаги 14 қаватли бинода ёнғин чиқиб, қўшни бинога ўтган. Маҳаллий ОАВ хабарларига кўра, ўт ўчирувчилар балконлардан одамларни қутқармоқда, бошқалар эса ичкарида қолиб кетган бўлиши мумкин.
Камида 14 киши, жумладан, олти нафар ўт ўчирувчи ва бир бола жароҳатланган. 20 дан ортиқ ўт ўчириш бригадаси ёнғинга қарши курашмоқда ва одамларни ҳудуддан узоқроқ туришга чақирмоқда.
“Бинода 138 та хонадон бўлиб, уларда 450 киши истиқомат қилади”, деб хабар берди Эл Паис газетаси бино бошқарувчисига таяниб.
Ёнғин сабаблари ҳозирча номаълум, аммо мамлакатда бино қурилишида қандай материаллар ишлатилгани ҳақида саволлар пайдо болмоқда. Гувоҳларнинг сўзларига кўра, кўп қаватли бино 10 дақиқа ичида аланга ичида қолган.
Изоҳ (0)