Andijon viloyati Oltinko‘l tumanida 21 yoshli kelinning o‘z joniga qasd qilgani to‘g‘risida xabarlar tarqaldi. Viloyat sudlarining xabar berishicha, holat yuzasidan o‘tkazilayotgan sud yakunlandi.
Unga ko‘ra, jinoyat ishlari bo‘yicha Oltinko‘l tumani sudiga Jinoyat kodeksi 109-moddasi 2-qismi (qasddan badanga yengil shikast yetkazish) va 103-moddasi (o‘zini o‘zi o‘ldirish darajasiga yetkazish) 2-qismi “a” bandi bilan sudlanuvchi (marhumaning eri) O.N.ga oid ish kelib tushgan. Dastlabki sud majlisi 2023-yil 26-dekabr kuni boshlangan.
Jabrlanuvchining qonuniy vakili mazkur jinoyat ishini blogerlar tomonidan yoritib borilishini so‘rab sudga iltimosnoma kiritgan. Biroq sudlanuvchi va uning himoyachilari sud muhokamasini ommaviy axborot vositalari hamda ijtimoiy tarmoqda yoritilishiga qarshilik bildirganligi bois sud tomonidan ishni blogerlar ishtirokisiz umumiy asoslarda davom ettirish yuzasidan ajrim qilingan.
Sudning 2024-yil 20-fevraldagi hukmiga ko‘ra, O.N. yuqorida keltirilgan moddalar bilan aybli deb topilib, unga uzil-kesil 9 yil 3 oy muddatga ozodlikdan mahrum qilish jazosi tayinlangan.
Izoh (0)