Jizzaxda ayol avval 1 yoshli bolasini o‘ldirib, so‘ng o‘z joniga qasd qildi

Jizzaxda ayol avval 1 yoshli bolasini o‘ldirib, so‘ng o‘z joniga qasd qildi. Bu haqda viloyat Oila va xotin-qizlar boshqarmasi xabar qildi.

Ma’lum qilinishicha, 6-may kuni soat 12:40 larda, IIB “102” tizimiga “Ravalliq” MFY Xasankal qishlog‘ida yashovchi, 1998-yilda tug‘ilgan uy bekasi Sh.X. yashash uyi hovlisida joylashgan hojatxonasiga o‘zini osib, o‘z joniga qasd qilgani haqida xabar kelib tushgan.

Shundan so‘ng voqea joyi ko‘zdan kechirilganda, ushbu xonadonda ayolning 2022-yilda tug‘ilgan farzandi A.O.ning qorin sohasiga ikki marta oshxona pichog‘i bilan sanchilgan jarohatlari bilan jasadi topilgan. Surishtiruv jarayonida Sh.X. farzandi A.O.ni o‘ldirib, so‘ng o‘zini osib o‘ldirgani ma’lum bo‘lgan.

Oila va xotin-qizlar boshqarmasi xonadonda bo‘lib, o‘tkazgan o‘rganishga ko‘ra, ayol shu manzilda yashovchi turmush o‘rtog‘i Sh.N.ga (1988-yilda tug‘ilgan) qo‘ng‘iroq qilib, o‘zini osib joniga qasd qilayotganini ma’lum qilgan. Er shu mahallada yashovchi amakisiga qo‘ng‘iroq qilib, bu haqda xabar bergan. Amakisiga uning uyiga yetib borganida ayol hojatxonada o‘zini osib bo‘lganiga guvoh bo‘lgan.

Qayd etilishicha, hozirda holat yuzasidan IIB hamda Oila va xotin-qizlar boshqarmasi o‘rganish ishlarini davom ettirmoqda.