O‘zbekiston Madaniyat va sanʼatni rivojlantirish jamg‘armasi 24-fevral kuni Dohada bo‘lib o‘tadigan birinchi dizayn biyennalesida @designdohabiennial Crafting Uzbekistan: Tradition in Threads – “Hunarmand O‘zbekiston: tolalardagi anʼana” ko‘rgazma loyihasini taqdim etadi. Bu haqda O‘zbekiston prezidenti yordamchisi Saida Mirziyoyeva maʼlum qildi.
Qayd etilishicha, Doha Dizayn Biyennale-2024 Dohaning Msheyreb innovatsion hududida tashkil etiladi.
“O‘zbekistonning betakror ekspozitsiyasi xalq hunarmandchiligining so‘nggi 100-yil ichidagi evolyutsiyasini, yurtimiz anʼanaviy hunarmandchiligining naqadar boyligini aks ettirgan. Ko‘rgazmaning eng diqqatga sazovor tarafi harakat payti anʼanaviy gazlamalarimizni eslatuvchi, ranglari o‘zgaruvchan linza ko‘rinishidagi oyoq osti sathidir.
“Hunarmand O‘zbekiston: tolalardagi anʼana” ko‘rgazma loyihasiga 30-martga qadar tashrif buyurish mumkin bo‘ladi”, – deya qo‘shimcha qilgan Saida Mirziyoyeva.
Izoh (0)