Navoiy viloyati Karmana tumanida eri bilan ajrashgan kelin sarpolarini MIB orqali qaytarib oldi. Bu haqda MIB axborot xizmati “Daryo”ga xabar berdi.
Qayd etilishicha, fuqaro R.G. sobiq turmush o‘rtog‘ining uyidan o‘ziga tegishli bo‘lgan mulklarni olib ketmoqchi bo‘lganida unga qarshilik ko‘rsatishgan. Shu sababli mol-mulklarini turmush o‘rtog‘ining uyidan olib berish uchun sudga murojaat qilgan.
Fuqarolik ishlari bo‘yicha Karmana tumanlararo sudining 13-noyabrdagi ijro varaqasiga asosan qarzdor R.F.dan R.G.ning foydasiga 27 turdagi mol-mulklarini olib berish belgilangan.
Ushbu ijro hujjati Byuroning Karmana tuman bo‘limi ish yurituviga kelib tushdi. Bo‘lim davlat ijrochisi tomonidan olib borilgan ijro harakatlari davomida joriy yilning 28-noyabr kuni undiruvchining mol-mulklari to‘liqligicha o‘ziga olib berildi va ijro hujjatining ijrosi tamomlandi.
Izoh (0)