Dani Alves 2022-yil dekabr oyida Barselonadagi Sutton tungi klubida bir ayolni zo‘rlaganlikda ayblanib, 2023-yil yanvaridan beri hibsda saqlanmoqda. Tergov 14-noyabrda yakunlangan. Prokuratura futbolchiga 9 yil qamoq jazosini talab qilmoqda. Zo‘rlash jinoyati uchun Ispaniya qonunlariga asosan maksimal 12 yil qamoq jazosi berilishi mumkin.
Jinoyat ishi bo‘yicha sud 5—7-fevral kunlari bo‘lib o‘tdi. Sud prokuror talabiga binoan Alvesni hukm chiqarilgunga qadar hibsda saqladi.
“Fiesta” kanalidagi Tarde AR dasturida “Barselona”ning sobiq futbolchisi vaqtincha qo‘yib yuborilsa, Braziliyaga qochib ketishni rejalashtirayotgani haqida xabar bergan. Janubiy Amerika davlati Ispaniya bilan ekstraditsiya shartnomasiga ega emas.
Boshlovchi Silviya Salamoning so‘zlariga ko‘ra, Alves o‘z rejalari haqida qamoqdagi xonadosh maxbuslarga aytgan.
“Men qamoqxonadagi odam bilan birinchi marta gaplashayotganim yo‘q. Suhbatda kimlar ishtirok etgani va u qayerda bo‘lgani haqida aniq ma’lumotni taqdim eta olaman”, — deya ta’kidladi boshlovchi.
Izoh (0)