Toshkent shahar Yakkasaroy tumanida boshqaruvni yo‘qotib, Cobalt va yana bir avtobus bilan to‘qnashib ketgan avtobus haydovchisi uzr so‘radi. Bu haqda “Toshshahartransxizmat” xabar berdi.
Unga ko‘ra, voqea 20-fevral kuni soat 10:10 larda sodir bo‘lgan. Yutong rusumli 69-sonli yo‘nalishda harakatlanayotgan haydovchi D.S. boshqaruvidagi avtobus Yakkasaroy tumani, Kichik halqa yo‘li ko‘chasi bo‘ylab harakatlanib borayotgan vaqtda boshqaruvni yo‘qotgan.
Oqibatda yo‘lning qarama-qarshi tomonida harakatlanib kelayotgan boshqa bir 69-sonli avtobus hamda Cobaltʼga borib urilgan. Mazkur yo‘l-transport hodisasi natijasida Cobalt haydovchisi tan jarohati olgan va Respublika shoshilinch tibbiy yordam ilmiy markaziga tez yordamda yetkazilgan. Yutong rusumli avtobuslar va Cobalt texnik shikastlangan.
Hozirda ushbu yo‘l-transport hodisasi Toshkent shahar IIBB YHXB xodimlari tomonidan rasmiylashtirilib, surishtiruv ishlari olib borilmoqda.
Izoh (0)