Toshkent shahar Chilonzor tumanida YPX xodimiga qo‘pol muomalada bo‘lgan avtobus haydovchisi uzr so‘radi.
Xabar berilishicha, “Toshshahartransxizmat” Aksiyadorlik jamiyatining Harakat xavfsizligini nazorat qilish bo‘limi xodimlari tomonidan tezkor surishtiruv ishlari o‘tkazilganda, mazkur huquqbuzarlik 4-avtobus saroyi filiali tasarrufidagi 8-sonli avtobus yo‘nalishi haydovchisi X.D. tomonidan sodir etilgani aniqlandi.
Yo‘l harakati qoidabuzarligi yuzasidan YPX xodimi tomonidan haydovchiga maʼmuriy bayonnoma rasmiylashtirilgan. Yo‘lda tartibni saqlashga masʼul xodim bilan qo‘pol muomalada bo‘lib, muomala madaniyatiga rioya qilmagani yuzasidan Ichki ishlar organlari xodimlari tomonidan haydovchi bilan profilaktik-tushuntirish ishlari olib borilgan.
“Chilonzorda harakatlanayotganimda YPX xodimi kelib, hujjatlarni so‘radi. Shu vaqt men qo‘pol muomalada bo‘ldim. Internetda videoyim tarqalganini ko‘rib, o‘zim pushaymonman qilgan ishimdan. Ijtimoiy tarmoqlarda ko‘rganlardan uzr so‘rayman. Holat takrorlanmaydi”, — deydi haydovchi.
Izoh (0)