Тошкент шаҳар Яккасарой туманида бошқарувни йўқотиб, Cobalt ва яна бир автобус билан тўқнашиб кетган автобус ҳайдовчиси узр сўради. Бу ҳақда “Тошшаҳартрансхизмат” хабар берди.
Унга кўра, воқеа 20 февраль куни соат 10:10 ларда содир бўлган. Yutong русумли 69-сонли йўналишда ҳаракатланаётган ҳайдовчи Д.С. бошқарувидаги автобус Яккасарой тумани, Кичик ҳалқа йўли кўчаси бўйлаб ҳаракатланиб бораётган вақтда бошқарувни йўқотган.
Оқибатда йўлнинг қарама-қарши томонида ҳаракатланиб келаётган бошқа бир 69-сонли автобус ҳамда Cobaltъга бориб урилган. Мазкур йўл-транспорт ҳодисаси натижасида Cobalt ҳайдовчиси тан жароҳати олган ва Республика шошилинч тиббий ёрдам илмий марказига тез ёрдамда етказилган. Yutong русумли автобуслар ва Cobalt техник шикастланган.
Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилиб, суриштирув ишлари олиб борилмоқда.
Изоҳ (0)