“O‘zbekiston Respublikasi hududida xorijiy tijorat tashkilotlarining vakolatxonalarini akkreditatsiya qilish va ularning faoliyat yuritish tartibi to‘g‘risidagi nizomni tasdiqlash haqida”gi Vazirlar Mahkamasi qarori qabul qilindi.
Hujjat bilan O‘zbekiston hududida xorijiy tijorat tashkilotlarining vakolatxonalariga akkreditatsiya guvohnomalarini rasmiylashtirish pasporti tasdiqlanmoqda. Vakolatli organ – Investitsiyalar, sanoat va savdo vazirligi.
Akkreditatsiya guvohnomasini olish uchun DXM yoki YIDXP orqali quyidagi hujjatlarni taqdim etish lozim:
- ariza (kelib chiqish mamlakati, taʼsischilari to‘g‘risida maʼlumotlar, faoliyati tarixi, xodimlarining umumiy soni, so‘nggi moliya yilida tovar (ish, xizmat) ayirboshlash hajmi, hamkorlikni rivojlantirish istiqbollari, O‘zbekiston korxonalari va tashkilotlari bilan amaliy va boshqa turdagi aloqalar yuzasidan shartnomalar bo‘yicha maʼlumotlar (agar mavjud bo‘lsa), vakolatxonani ochish muddati ko‘rsatilgan holda);
- xorijiy tashkilotning taʼsis hujjatlari;
- tashkilot chet davlat ro‘yxatidan o‘tkazilganligi to‘g‘risidagi reyestrdan ko‘chirma, guvohnoma yoki litsenziya
- vakolatxona boshlig‘iga berilgan ishonchnoma;
- vakolatxona to‘g‘risidagi nizom.
Ko‘rib chiqish muddati – 5 ish kuni. Guvohnoma bir yildan uch yilgacha muddatga beriladi. Davlat boji summasi – 48 BHM.
Hujjat Qonun hujjatlari maʼlumotlari milliy bazasida eʼlon qilingan va 2024-yil 9-maydan kuchga kiradi.
Izoh (0)