Andijon viloyati hokimi o‘rinbosari — oila va xotin-qizlar boshqarmasi boshlig‘i lavozimida faoliyat yuritgan Gulnora Abdullayeva lavozimidan ozod etildi. Bu haqda viloyat hokimligi matbuot xizmati xabar berdi.
Qayd etilishicha, Gulnora Abdullayevaning lavozimdan olinishiga boshqa lavozimga o‘tayotgani sabab bo‘lgan.
Gulnora Abdullayeva Izboskan tumanida tug‘ilgan, 1989-yilda Toshkent davlat universitetini, 2008-yilda Prezident huzuridagi davlat va jamiyat qurilishi akademiyasini tugatgan.
2022-yil martida hokim o‘rinbosari etib tayinlangan, ungacha esa viloyat kasaba uyushmalari tashkilotlari birlashmasi raisining o‘rinbosari lavozimida faoliyat yuritgan.
Shuningdek, viloyat hokimligi matbuot xizmatiga ko‘ra, Gulnora Ahmedova Andijon viloyati hokimi o‘rinbosari — oila va xotin-qizlar boshqarmasi boshlig‘i lavozimiga tayinlangan.
Gulnora Ahmedova 1974-yilda Baliqchi tumanida tug‘ilgan. 1996-yilda Andijon davlat universitetini tamomlagan. Mehnat faoliyati davomida umumtaʼlim maktablari, kasb-hunarga o‘qitish markazlarida o‘qituvchi, direktor o‘rinbosari va direktor lavozimlarida, tuman aholi bandligiga ko‘maklashish markazi rahbari va MFYda hokim yordamchisi lavozimlarida ishlagan.
Ushbu lavozimga tayinlanguniga qadar O‘zbekiston Savdo-sanoat palatasi Andijon viloyati boshqarmasi Shahrixon tumani bo‘limi rahbari lavozimida faoliyat yuritib kelayotgan edi.
Izoh (1)
Хаммага Ассалому Алайкум. Опамиз 1989 йилда, яъни 15 ёшларида институтни тамомлаган булсалар. демак 10 ёшларида мактабни тугатган эканлар. чунки 90 йилларда ОТМда укиш давомийлиги 5 йил булган. юкоридагиларни инобатга оладиган булсак, мактабга тугилибок чиккан булсалар керак ва орала бир синф сакраганлар хам. Отсутствие логики,позор журналистики.