Toshkent shahar Mirobod tumanidagi ayrim ko‘chalarda issiq suv va issiqlik taʼminoti vaqtincha to‘xtatiladi. Bu haqda tuman hokimligi matbuot xizmati xabar berdi.
Qayd etilishicha, eski otchopar ko‘chasidagi havodan o‘tgan magistral D-700 millimetr bo‘lgan issiqlik quvurida yuz bergan avariyaviy holat tufayli bugun, 14-fevral kuni tumandagi ayrim manzillarda soat 10:00 dan issiq suv va issiqlik taʼminoti vaqtincha to‘xtatiladi. Manzillar:
- Sarako‘l, Farg‘ona yo‘li, Abdurauf Fitrat, Oltinko‘l, Yangi zamon, Tallimarjon, Sayhun ko‘chalari.
Ayni vaqtda avariyani bartaraf etish bo‘yicha Veolia Energy Tashkent MCHJ XK xodimlari tomonidan ishlar olib borilmoqda, soat 19:00 da issiq suv va issiqlik taʼminoti aholiga yetkaziladi.
Veolia Energy Tashkent MCHJ XK yuzaga kelgan noqulayliklar uchun isteʼmolchilardan uzr so‘raydi.
Izoh (0)