“Ўзбекистон Республикаси ҳудудида хорижий тижорат ташкилотларининг ваколатхоналарини аккредитация қилиш ва уларнинг фаолият юритиш тартиби тўғрисидаги низомни тасдиқлаш ҳақида”ги Вазирлар Маҳкамаси қарори қабул қилинди.
Ҳужжат билан Ўзбекистон ҳудудида хорижий тижорат ташкилотларининг ваколатхоналарига аккредитация гувоҳномаларини расмийлаштириш паспорти тасдиқланмоқда. Ваколатли орган – Инвестициялар, саноат ва савдо вазирлиги.
Аккредитация гувоҳномасини олиш учун ДХМ ёки ЯИДXP орқали қуйидаги ҳужжатларни тақдим этиш лозим:
- ариза (келиб чиқиш мамлакати, таъсисчилари тўғрисида маълумотлар, фаолияти тарихи, ходимларининг умумий сони, сўнгги молия йилида товар (иш, хизмат) айирбошлаш ҳажми, ҳамкорликни ривожлантириш истиқболлари, Ўзбекистон корхоналари ва ташкилотлари билан амалий ва бошқа турдаги алоқалар юзасидан шартномалар бўйича маълумотлар (агар мавжуд бўлса), ваколатхонани очиш муддати кўрсатилган ҳолда);
- хорижий ташкилотнинг таъсис ҳужжатлари;
- ташкилот чет давлат рўйхатидан ўтказилганлиги тўғрисидаги реестрдан кўчирма, гувоҳнома ёки лицензия
- ваколатхона бошлиғига берилган ишончнома;
- ваколатхона тўғрисидаги низом.
Кўриб чиқиш муддати – 5 иш куни. Гувоҳнома бир йилдан уч йилгача муддатга берилади. Давлат божи суммаси – 48 БҲМ.
Ҳужжат Қонун ҳужжатлари маълумотлари миллий базасида эълон қилинган ва 2024 йил 9 майдан кучга киради.
Изоҳ (0)