Rossiya Mudofaa vazirligi Bryansk viloyatiga dronlar hujumi uyushtirilgani, havo hujumidan mudofaa vositalari uchta dronni urib tushirgani haqida xabar berdi.
Vazirlik hujumning boshqa tafsilotlarini keltirmadi. Bryansk viloyati gubernatori ham hech qanday dron haqida xabar bermagan.
Belgorod va Rossiyaning Ukraina bilan chegaradosh boshqa viloyatlari rasmiylari, shuningdek, rossiyalik harbiylar Ukrainaning kamikadze dronlari urib tushirilgani haqida muntazam xabar berishadi. Ukraina harbiylari bu xabarlarga izoh bermayapti.
19 va 20-yanvar kunlari Bryansk viloyati Klintsi shahridagi neft omboriga ikki marta dronlar hujumi uyushtirilgandi. Ikkinchi hujumdan so‘ng yirik yong‘in yuzaga kelb, ikki kun davomida o‘chirilgan.
Izoh (0)