Qozog‘iston o‘zining dronlarini birinchi marta sinovdan o‘tkazdi (foto)

Qozog‘iston harbiylari birinchi marta mahalliy ishlab chiqarilgan dronlarini sinovdan o‘tkazdi. Bu haqda Mudofaa vazirligi xabar berdi.

“Havo hujumidan mudofaa kuchlari bazasining harbiy qismida Qozog‘iston korxonalari vakillari tomonidan qurolli kuchlar ehtiyojlari uchun maxsus ishlab chiqilgan dronlarning ilk sinovlari bo‘lib o‘tdi... Mutaxassislarga turli turdagi dronlar taqdim etildi. Dronlar maxsus rezina bandajni tortish orqali katapultdan osmonga ko‘tarilgan. U vertolyot kabi vertikal ravishda ko‘tarilib, samolyot kabi parvoz qilishda davom etdi”, — deyiladi xabarda.

Barcha dronlar zamonaviy videokuzatuv uskunalari, datchiklar, masofa o‘lchagichlar va teplovizor bilan jihozlangan bo‘lib, ulardan foydalanish budjet mablag‘larini sezilarli darajada tejaydi va ularni keyingi texnik xizmat ko‘rsatish va modernizatsiya qilish masalalarini tezkorlik bilan hal qiladi, deya tushuntiradi mamlakat Mudofaa vazirligi.

“Bizda juda samarali kameralar, koordinatni aniqlash funksiyasi, lazerli masofa o‘lchagich va o‘q-dorilarni tashlash tizimi mavjud. Bunday xususiyatlar artilleriyani nishonga yo‘naltirish imkonini beradi”, — deydi ishlab chiqaruvchi kompaniya vakili Aybek Axish.

Qozog‘iston prezidenti Qosim-Jo‘mart To‘qayev tomonidan belgilab berilgan respublika mudofaa-sanoat kompleksini rivojlantirish doirasida o‘zimizning dronlarni yaratish bo‘yicha ishlar olib borilmoqda, deya eslatdi mamlakat Mudofaa vazirligi.