Россия Мудофаа вазирлиги Брянск вилоятига дронлар ҳужуми уюштирилгани, ҳаво ҳужумидан мудофаа воситалари учта дронни уриб туширгани ҳақида хабар берди.
Вазирлик ҳужумнинг бошқа тафсилотларини келтирмади. Брянск вилояти губернатори ҳам ҳеч қандай дрон ҳақида хабар бермаган.
Белгород ва Россиянинг Украина билан чегарадош бошқа вилоятлари расмийлари, шунингдек, россиялик ҳарбийлар Украинанинг камикадзе дронлари уриб туширилгани ҳақида мунтазам хабар беришади. Украина ҳарбийлари бу хабарларга изоҳ бермаяпти.
19 ва 20 январь кунлари Брянск вилояти Клинци шаҳридаги нефть омборига икки марта дронлар ҳужуми уюштирилганди. Иккинчи ҳужумдан сўнг йирик ёнғин юзага келб, икки кун давомида ўчирилган.
Изоҳ (0)