Toshkentning Olmazor tumanidagi xonadonda 211 million so‘mlik elektr energiyasi o‘g‘rilik yo‘li bilan foydalanilgani aniqlandi.
Bosh prokuratura huzuridagi departamentning Olmazor tuman bo‘limi tomonidan DXX va ETK xodimlari bilan hamkorlikda tezkor tadbirlar o‘tkazilgan. Tadbir davomida “Allon” va “Yuqori Beshqo‘rg‘on” MFYda yashovchi D.K. va M.SH. o‘z uylarining yerto‘lasida mayning kripto-aktivlari qurilmalarini tijorat maqsadida umumiy foydalanishdagi elektr tarmoqlariga o‘g‘rilik yo‘li bilan ulagani aniqlangan.
Buning oqibatida ular jami 211,7 million so‘mlik elektr energiyasidan noqonuniy foydalangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)