Jazoir harbiy-havo kuchlarining harbiy vertolyoti mamlakatning markaziy qismida qulab tushishi oqibatida ekipajning uch a’zosi halok bo‘ldi.
Bu haqda Jazoirning APS axborot agentligi prezident idorasi bayonotiga tayanib xabar berdi.
“2024-yilning 7-fevral kuni kechqurun rejalashtirilgan tungi mashg‘ulotlar chog‘ida harbiy-havo kuchlari qo‘mondonligiga qarashli harbiy vertolyot Al-Maniya aeroporti chekkasida qulab tushdi”, — deyiladi xabarda.
Qayd etilishicha, mamlakat prezidenti Abdulmajid Tebbun halok bo‘lgan uchuvchilarning yaqinlariga hamdardlik bildirgan.
Hozirda voqea sabablarini o‘rganish boshlangan.
Izoh (0)