Jazoirdagi o‘rmon yong‘inlari oqibatida 34 kishi halok bo‘ldi. Yong‘in aholi punktlariga yaqinlashib ulgurgan, deb xabar bermoqda “MIR 24”.
Yuzlab aholi vakillari uylarini tark etishga shoshilmoqda. Yong‘inga qarshi kurashda sakkiz ming o‘t o‘chiruvchi ishtirok etmoqda. Ular 500 ta yuk mashinasi yordamida yong‘inni to‘xtatishga harakat qilmoqda. Yong‘inning atrofini o‘rab olish uchun aholi punktlari atrofida mineral chiziqlar va chuqurlar qilinmoqda. Shuningdek, yong‘in havodan samolyotlar yordamida o‘chirilmoqda.
“Yong‘inlar allaqachon halokatli zarar keltirgan. Zaytun fermalari, o‘rmonlar yonmoqda. Biz o‘t o‘chiruvchilarga yordam berishga harakat qilmoqdamiz. Ko‘ngillilar guruhi tuzilgan. Lekin bu haroratda juda qiyin”, — deydi mahalliy fuqaro Rashid.
Jazoirning shimoli va sharqida issiq havo tufayli tabiiy yong‘inlar avj oldi. Ayrim hududlarda termometr ko‘rsatkichi Selsiy bo‘yicha 48 darajagacha ko‘tarilgan. Vaziyat kuchli shamol tufayli yanada murakkablashmoqda.
Izoh (0)