Muhammad Irqi Jazoirning O‘zbekistondagi elchisi etib tayinlandi, deb yozadi tashqi ishlar vaziri Baxtiyor Saidov o‘zining Telegram kanaliga.
Qayd etilishicha, TIV rahbari Jazoirning O‘zbekistondagi elchisi etib tayinlangan Muhammad Irqi bilan uchrashib, uning ishonch yorliqlari nusxalarini qabul qilgan.
“Suhbat chog‘ida ikki tomonlama munosabatlarimizni rivojlantirish, barcha sohalarda aloqalarni faollashtirish va foydalanilmayotgan imkoniyatlarni ro‘yobga chiqarishga alohida eʼtibor qaratdik. Janob elchiga mamlakatimizdagi faoliyati davomida muvaffaqiyatlar tilaymiz”, — deydi Baxtiyor Saidov.
Avvalroq Amirsaid Agzamxo‘jayev O‘zbekistonning Polshadagi elchisi etib, O‘zbekistoning AQSHdagi sobiq elchisi Javlon Vahobov esa Markaziy Osiyo xalqaro institutining yangi direktori etib tayinlangani to‘g‘risida xabar berilgan edi.
