Malayziyaning yangi oliy rahbari Ibrohim Ismoil (Johor shtati merosxo‘r monarxi) qasamyod qilib, mamlakat hukmdori sifatida taxtga o‘tirdi. Bu haqda qirollik saroyiga tayanib, The Star xabar berdi.
Ibrohim Ismoil Kuala-Lumpurga 31-yanvar kuni yetib keldi, uning samolyoti Malayziya harbiy-havo kuchlari aviabazasiga qo‘ndi. Qasamyod qabul qilish marosimi hukmdorning poytaxtdagi qarorgohi Istana Negarada bo‘lib o‘tdi. 31-yanvardan boshlab monarxning rasmiy unvoni Malayziya qiroli Sulton Ibrohim janobi oliylari bo‘ladi.
Ibrohim Ismoil 2023-yil oktyabr oyida o‘z hukmronligini 2024-yilning 30-yanvarida tugatgan Abdulla Riayyatuddin Al Mustafoning o‘rniga Malayziyaning yangi qiroli etib saylangan. Malayziya qiroli to‘qqiz shtatning merosxo‘r monarxlari orasidan navbat bilan 5 yil muddatga saylanadi (ketma-ket ikkinchi muddatga qayta saylanish huquqisiz). Hukmdor 1957-yilda tuzilgan ro‘yxat bo‘yicha aniqlanadi.
Izoh (0)