Norvegiya qiroli Xarald V taxtdan voz kechish niyatida emasligini ma’lum qildi. Bu haqida monarx jurnalistlar bilan uchrashuvda ma’lum qildi.
“Menda bunday niyat yo‘q. Men Stortingga (parlamentga) qasamyod qilganimni anchadan beri aytganman, bu umrbod amal qiladi”, — dedi Xarald.
Norvegiya qiroli 86 yoshda. O‘tgan yilning kuzida u ikkinchi marta koronavirusdan aziyat chekdi. So‘nggi yillarda u bir necha bor kasalxonada davolanib chiqqan.
14-yanvar kuni Daniya qirolichasi Margrete II Kristiansborg qasrida o‘tkazilgan marosimda taxtdan rasman voz kechdi. Marosim mahalliy telekanallar orqali namoyish etildi.
Avvalroq qirolicha Yangi yil tabriknomasida hukmronligi 52 yilga yetganida taxtdan voz kechish niyatida ekanligini ma’lum qilgandi. 83 yoshli qirolicha taxtni o‘g‘li — valiahd shahzoda Frederikka topshirdi.
Izoh (0)