Sloveniyada davlat prokurorlari maoshlarni oshirishni talab qilmoqda. 31-yanvarga belgilangan ish tashlash vaqtida ular uch soatga o‘z ishini to‘xtatib qo‘yadi, qolgan vaqtda esa faqat o‘ta muhim ishlarni ko‘rib chiqadi, deb yozadi “TASS”.
Prokurorlarning bunday qarorga kelishiga hukumat prokurorlarga to‘lanadigan to‘lovlar darajasi asos qilib olingan sudyalarning ish haqi to‘g‘risidagi Konstitutsiyaviy sud qarorini bajarmagani sabab bo‘ldi.
Avvalroq sudyalar tomonidan 10—24-yanvar kunlari ogohlantirish aksiyasi o‘tkazilgan edi. Ular ham maoshlarini oshirishni talab qilishgan.
2023-yil 30-iyun kuni Sloveniya Konstitutsiyaviy sudi sudyalarning maoshlari juda past ekanligini va bu sud hokimiyati mustaqilligi tamoyilini buzayotganini tan oldi. Rasmiylar ish haqi masalasini olti oy ichida hal qilishi kerak edi, biroq u hamon hal etilmadi. Hukumat bunga sabab qilib 2023-yil avgustida mamlakatda yuz bergan suv toshqini tufayli budjet jiddiy zarar ko‘rganini keltirgan.
Izoh (0)