Словенияда давлат прокурорлари маошларни оширишни талаб қилмоқда. 31 январга белгиланган иш ташлаш вақтида улар уч соатга ўз ишини тўхтатиб қўяди, қолган вақтда эса фақат ўта муҳим ишларни кўриб чиқади, деб ёзади “ТАСС”.
Прокурорларнинг бундай қарорга келишига ҳукумат прокурорларга тўланадиган тўловлар даражаси асос қилиб олинган судьяларнинг иш ҳақи тўғрисидаги Конституциявий суд қарорини бажармагани сабаб бўлди.
Аввалроқ судьялар томонидан 10—24 январь кунлари огоҳлантириш акцияси ўтказилган эди. Улар ҳам маошларини оширишни талаб қилишган.
2023 йил 30 июнь куни Словения Конституциявий суди судьяларнинг маошлари жуда паст эканлигини ва бу суд ҳокимияти мустақиллиги тамойилини бузаётганини тан олди. Расмийлар иш ҳақи масаласини олти ой ичида ҳал қилиши керак эди, бироқ у ҳамон ҳал этилмади. Ҳукумат бунга сабаб қилиб 2023 йил августида мамлакатда юз берган сув тошқини туфайли бюджет жиддий зарар кўрганини келтирган.
Изоҳ (0)