Leningrad viloyati Bugri qishlog‘idagi qurilish maydonchasida o‘zbekistonlik quruvchining ustiga metall konstruksiya qulab tushdi. Oqibatda O‘zbekiston fuqarosi halok bo‘ldi. Bu haqda “78.ru” xabar berdi.
Hodisa 25-yanvar kuni “Enfild” turar joy majmuasining qurilish maydonida yuz bergan. 60 yoshli O‘zbekiston fuqarosi boshidan tan jarohati olib, voqea joyida halok bo‘lgan. Marhum Rossiyaga bir necha bor tashrif buyurgan. Erkak migratsiya organlarida ro‘yxatdan o‘tmagan, Bugrida yashagan va rasman ishlagan.
Holat yuzasidan “Qurilish yoki boshqa ishlarni bajarishda xavfsizlik qoidalarini buzish” moddasi bo‘yicha jinoiy ish qo‘zg‘atish masalasi hal qilinmoqda. Voqea yuzasidan tergov harakatlari olib borilmoqda.
Izoh (0)