Alabamada o‘limga hukm qilingan mahbusni yangi usulda qatl qilishmoqchi

AQShning Alabama shtatida jinoyatchini yangi, eksperimental tarzda qatl qilishmoqchi.

Alan Yujin ismli shaxs uch kishini o'ldirgani uchun 1999-yilda qamoqqa olingan va o'limga hukm qilingan. 23 yildan so'ng  nihoyat hukmni ijro etishga qaror qilishdi.

Alabama shtatida o‘lim jazosi odatda tasdiqlangan usulda — mahkumga inyeksiya qilish (ukol qilish) orqali amalga oshiriladi. Umumiy olganda, AQShda allaqachon 1300 kishi shu tarzda qatl etilgan. Ammo muammo shundaki, Alan ignadan juda qo'rqadi va hukmni ijro etish usulini o'zgartirish uchun ariza topshirdi.

Katta ehtimol bilan u azot gipoksiyasi qo'llaniladigan birinchi mahbus bo'ladi. Bu eksperimental, innovatsion texnika bo‘lib, bunda qatl etiladigan shaxs maxsus gaz kamerasiga joylashtiriladi. U yerda kislorod asta-sekin azot bilan almashtiriladi. Odam nafas ololmaydi, bo'g'ilib qolib o'ladi.

Ammo hozirgacha Alabamada hech kim bunday usulda qatl etilmagani uchun hamma biroz xavotirda - qamoqxona ma'muriyati ham, Alanning o‘zi ham.