Qoraqalpog‘istonning Beruniy tumanidagi elektromobil avtosalonida yong‘in chiqdi. Bu haqda FVV axborot xizmati xabar berdi.
Maʼlum qilinishicha, 24-yanvar kuni soat 20:17 da Qoraqalpog‘iston Respublikasi, Beruniy tumani, “Shabbaz” OFY, To‘rtko‘l shohko‘chasida joylashgan elektromobil avtosalonida yong‘in sodir bo‘layotganligi to‘g‘risida FVBga xabar tushgan. Uchta yong‘in-qutqaruv ekipaji soat 20:23 da voqea joyiga yetib borib, yong‘in soat 20:48 da o‘rab olingan va 21:08 da o‘chirilgan.
Yong‘in natijasida avtosalonning 90 kv/m maydonda tom qismi va bir dona BYD rusumli avtomobil yonib zararlangan. Yong‘in sabab va moddiy zarar miqdori aniqlanmoqda. Yong'in oqibatida tan jarohati olgan va halok bo‘lganlar to‘g‘risida maʼlumot kelib tushmagan.
Izoh (0)