Ijtimoiy tarmoqlarda “Kosmonavtlar” bekatida yong‘in chiqqani haqida xabarlar tarqalmoqda. “Toshkent metropoliteni” DUK holatga izoh berdi.
Unga ko‘ra, 17-yanvar kuni soat 19:30 larda “Kosmonavtlar” metro bekatiga kirib kelgan 40-sonli harakat tarkibining vagon elektr qismida texnik nosozlik holati kuzatilgan. Shu boisdan yo‘lovchilar va harakat xavfsizligini taʼminlash maqsadida yo‘lovchilar bekatga tushirilgan hamda mashinist tomonidan belgilangan yo‘riqnomaga asosan tezkor chora-tadbirlar ko‘rilib, nosozlik bartaraf etilgan. Bu holat yo‘nalishdagi harakat jadvaliga hech qanday taʼsir ko‘rsatmagan.
Keltirilgan noqulayliklar yuzasidan yo‘lovchilardan uzr so‘raldi.
Izoh (0)