Yevropa Ittifoqiga mudofaa sanoati salohiyatini oshirish uchun 100 milliard yevro kerak bo‘ladi.
Bu haqda “Publika Senat” telekanalida ichki bozor bo‘yicha Yevropa komissari Tyerri Breton ma’lum qildi.
“Biz mudofaa sanoati salohiyatini 100 milliard yevro ajratish istiqboli bilan oshirishimiz kerak. Agar Yevropa Ittifoqiga aʼzo davlatlar rozi bo‘lsa, buning uchun mablag‘ topamiz”, — dedi u.
Breton Yevropa Ittifoqi buning uchun qanday choralar ko‘rishi kerakligini batafsil izohlamadi.
2023-yil sentyabr oyida Yevropa Parlamenti a’zolari Yevrokomissiyasining umumiy xaridlar orqali YI mudofaa sanoati bazasini mustahkamlash vositasini yaratish bo‘yicha taklifini qo‘llab-quvvatlagandilar.
Yangi vosita yordamida Ittifoqning birgalikdagi mudofaa xaridlari doirasida harbiy mahsulotlar uchun umumiy xarajatlarni 35 foizga oshirish kutilmoqda. 2021-yilda bu ko‘rsatkich atigi 18 foizni tashkil etgan.
Izoh (0)