Европа Иттифоқига мудофаа саноати салоҳиятини ошириш учун 100 миллиард евро керак бўлади.
Бу ҳақда “Публика Сенат” телеканалида ички бозор бўйича Европа комиссари Терри Бретон маълум қилди.
“Биз мудофаа саноати салоҳиятини 100 миллиард евро ажратиш истиқболи билан оширишимиз керак. Агар Европа Иттифоқига аъзо давлатлар рози бўлса, бунинг учун маблағ топамиз”, — деди у.
Бретон Европа Иттифоқи бунинг учун қандай чоралар кўриши кераклигини батафсил изоҳламади.
2023 йил сентябрь ойида Европа Парламенти аъзолари Еврокомиссиясининг умумий харидлар орқали ЕИ мудофаа саноати базасини мустаҳкамлаш воситасини яратиш бўйича таклифини қўллаб-қувватлагандилар.
Янги восита ёрдамида Иттифоқнинг биргаликдаги мудофаа харидлари доирасида ҳарбий маҳсулотлар учун умумий харажатларни 35 фоизга ошириш кутилмоқда. 2021 йилда бу кўрсаткич атиги 18 фоизни ташкил этган.
Изоҳ (0)