Toshkent metropoliteni ijtimoiy tarmoqlarda tarqalgan poyezd vagonlarining birida yoritish qurilmalari o‘chib qolgani tasvirlangan video yuzasidan ma’lumot berdi.
Qayd etilishicha, 15-yanvar sanasi soat 11:51 lar atrofida “Do‘stlik” bekatidan harakatlanayotgan 42-sonli harakat tarkibining 4-vagonidagi elektr bilan taʼminlovchi himoya avtomatida texnik nosozlik holati kuzatilgan va buning natijasida vagonning asosiy yoritish chiroqlari o‘chib qolgan.
Harakat tarkibi so‘nggi bekatga borganidan so‘ng, mashinist tomonidan kerakli choralar ko‘rilgan va yoritish tizimi qayta tiklangan.
“Bu holat poyezdlar harakatiga hech qanday taʼsir ko‘rsatmagan. Keltirilgan noqulaylik yuzasidan yo‘lovchilardan uzr so‘raymiz”, — deyiladi xabarda.
Oktyabr oxirlarida Toshkent metropolitenining “Shahriston” metro bekatida poyezd tarkibi texnik nosozlik sabab to‘xtab qolgandi. Noyabr boshlarida esa Toshkent metrosida unutib qoldirilgan buyum yana poyezdlarning kechikishiga sabab bo‘layotgani aytilgan edi.
Izoh (0)