Toshkent metropoliteni “Chorsu” bekatida poyezdning to‘xtab qolgani aytilgan xabarlarga munosabat bildirdi.
Ma’lum qilinishicha, 17-dekabr sanasi taxminan soat 13:15 lar atrofida metropolitenni tashqi elektr energiya bilan taʼminlovchi korxonalarda elektr tarmog‘ida qisqa uzilish sodir bo‘lgan. Natijada, “Chorsu” bekatining kirish svetoforida taqiqlovchi qizil chirog‘i yongan va oqibatda 40-sonli harakat tarkibi belgilangan yo‘riqnomaga asosan bekatga kirib kelishda to‘xtab turgan.
“Elektr energiyani qayta tiklash yuzasidan tezkor chora-tadbirlar natijasida, 8 daqiqadan so‘ng harakat tarkibi o‘z harakatini davom ettirgan”, — deyiladi xabarda.
Oktyabr oxirlarida Toshkent metropolitenining “Shahriston” metro bekatida poyezd tarkibi texnik nosozlik sabab to‘xtab qolgandi. Noyabr boshlarida esa Toshkent metrosida unutib qoldirilgan buyum yana poyezdlarning kechikishiga sabab bo‘layotgani aytilgan edi.
Izoh (0)