Texnika fanlari doktori, professor, “Fidokorona xizmatlari uchun” va “Mehnat shuhrati” ordenlari sohibi Mahamad Toshboltayev 77 yoshida vafot etdi. Bu haqda Qishloq xo‘jaligi vazirligi axborot xizmati xabar berdi.
Mahamad Toshboltayev 1947-yil 18-fevralda Farg‘ona viloyatida tug‘ilgan. Qishloq xo‘jaligi sohasini rivojlantirishga katta hissa qo‘shib, 19 nafar fan doktori, doktorant, mustaqil tadqiqotchi va magistrlarga ilmiy rahbarlik qilgan. U jami 726 ta ilmiy ishlarning, jumladan 73 ta ixtiro, 78 ta monografiya, kitob va risola hamda 575 ta ilmiy maqola muallifidir.
Umrining so‘ngiga qadar Qishloq xo‘jaligi vazirligi huzuridagi Qishloq xo‘jaligi va oziq-ovqat ta’minoti ilmiy-ishlab chiqarish markazi, Qishloq xo‘jaligini mexanizatsiyalash ilmiy-tadqiqot institutining ilmiy ishlar va innovatsiyalar bo‘yicha direktor o‘rinbosari lavozimida faoliyat yuritgan.
Izoh (0)