Namangan viloyati Chust tumanida aksiz markasiz tamaki mahsulotlarini muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti axborot xizmati ma’lum qildi.
Xabarga ko‘ra, holat Bosh prokuratura huzuridagi departament hamda Bojxona qo‘mitasining Namangan viloyati boshqarmalari tomonidan Chust tumani “Zarafshon” MFY hududida o‘tkazilgan tezkor tadbirda aniqlangan. Fuqaro M.S. o‘zining Nexia-3 ida xorijda ishlab chiqarilgan hech qanday hujjati bo‘lmagan 5000 quti “Milano” nomli aksiz markasiz tamaki mahsulotini o‘tkazish maqsadida olib kelgani aniqlanib, ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)