Yaponiyada All Nippon Airways (ANA) aviakompaniyasining Boeing 737 samolyoti parvoz vaqtida uchuvchi kabinasi oynasida paydo bo‘lgan yoriq tufayli zudlik bilan yana aeroportga qaytdi. Bu haqda Kyodo agentligi xabar berdi.
Samolyot ekipaji va yo‘lovchilarga hech qanday zarar yetmagan.
1182-reys Sapporodan Toyamaga uchayotgan bo‘lib, bortda 59 nafar yo‘lovchi va 6 nafar ekipaj a’zosi bo‘lgan. Yoriqqa nima sabab bo‘lgani noma’lum. Hozirda holat bo‘yicha tergov boshlangan.
6-yanvar kuni Portlenddan Ontarioga yo‘l olgan Boeing 737 Max 9 samolyotidan favqulodda chiqish lyukining uzilib tushishi sababli aeroportga favqulodda qo‘nishni amalga oshirgandi. Lyuk ochilib ketishi oqibatida 5 kilometr balandlikda samolyot salonida bosim pasayib ketgan. Favqulodda vaziyatdan keyin AQSH rasmiylari Boeing 737 Max 9 samolyotlari parvozini vaqtincha to‘xtatib qo‘ygandi.
Izoh (0)