Японияда All Nippon Airways (ANA) авиакомпаниясининг Boeing 737 самолёти парвоз вақтида учувчи кабинаси ойнасида пайдо бўлган ёриқ туфайли зудлик билан яна аэропортга қайтди. Бу ҳақда Kyodo агентлиги хабар берди.
Самолёт экипажи ва йўловчиларга ҳеч қандай зарар етмаган.
1182-рейс Саппородан Тоямага учаётган бўлиб, бортда 59 нафар йўловчи ва 6 нафар экипаж аъзоси бўлган. Ёриққа нима сабаб бўлгани номаълум. Ҳозирда ҳолат бўйича тергов бошланган.
6 январь куни Портленддан Онтариога йўл олган Boeing 737 Мах 9 самолётидан фавқулодда чиқиш люкининг узилиб тушиши сабабли аэропортга фавқулодда қўнишни амалга оширганди. Люк очилиб кетиши оқибатида 5 километр баландликда самолёт салонида босим пасайиб кетган. Фавқулодда вазиятдан кейин АҚШ расмийлари Boeing 737 Мах 9 самолётлари парвозини вақтинча тўхтатиб қўйганди.
Изоҳ (0)