Ostonadagi Milliy mudofaa universiteti hududidagi birinchi prezident Nursulton Nazarboyevga 2020-yilda 80 yoshga to‘lishi munosabati bilan o‘rnatilgan yodgorlik demontaj qilindi. Bu haqda Tengrinews xabar berdi.
Milliy mudofaa universiteti yodgorlik haqiqatan ham olib tashlanganini va hozirda omborda ekanini tasdiqladi. Mazkur ma’lumotni shaxsan tekshirishning iloji bo‘lmagan, chunki jurnalist universitet hududiga kiritilmagan.
Mudofaa vazirligi esa Nursulton Nazarboyev yodgorligi muzeyga ko‘chirilishini ma’lum qilgan. Jumladan, u Qozog‘iston Qurolli kuchlari davlat harbiy tarixi muzeyi binosiga o‘rnatiladi. Ayni paytda yodgorlik mudofaa bo‘limi binolaridan birida vaqtinchalik saqlanayotgani aytilmoqda.
Izoh (0)